CX Without Borders: Launch of CXAA and ICXA Partnership | CX Association of Armenia
member_hub Դառնալ ChangeMaker
Eng Հայ Рус

CX առանց սահմանների. CXAA-ի և ICXA-ի համագործակցության մեկնարկը

Վերադառնալ բլոգ

Ուրախությամբ տեղեկացնում ենք Հաճախորդների Փորձառության Հայաստանի Ասոցիացիայի և International Customer Experience Awards (ICXA)–ի համագործակցության մեկնարկի մասին։

ICXA–ը համաշխարհային հեղինակություն վայելող ամենամյա մրցանակաբաշխություն է, որն ուղղված է հաճախորդների փորձառության ոլորտում իրականացվող ամենաարդյունավետ նախաձեռնությունների, ընկերությունների և մասնագետների ճանաչմանն ու խրախուսմանը։

ICXA–ը միավորում է ոլորտի առաջատար ընկերություններին, փորձագետներին և CX պրոֆեսիոնալներին ամբողջ աշխարհից՝ նպաստելով լավագույն փորձի տարածմանն ու համագործակցության նոր հարթակների ստեղծմանը։

Այս համագործակցությունը երկու կողմերի համար կարևորագույն քայլ է միջազգային փոխգործակցության ընդլայնման, Հայաստանում հաճախորդակենտրոն մշակույթի զարգացման և հայկական CX համայնքի միջազգային ներգրավվածության մակարդակի բարձրացման հարցում։

Երկկողմ համագործակցությունը կնպաստի հայկական CX համայնքի տեսանելիության բարձրացմանը միջազգային հեղինակավոր հարթակներում, նոր գործընկերային կապերի ստեղծմանը, միջազգային լավագույն փորձի և գործիքների կիրառմանը տեղական մակարդակում։

Նշենք, որ Հաճախորդների փորձառության Հայաստանի ասոցիացիայի հիմնադիր և նախագահ Շուշանիկ Ղալթախչյանը արդեն իսկ հանդես է եկել որպես ժյուրիի անդամ ICXA–ի կողմից կազմակերպված 2020 և 2021 թվականների մրցանակաբաշխություններին՝ գնահատելով մասնակիցների ներկայացրած նախագծերը միջազգային չափանիշներով։

Վերջին հոդվածները

Հայաստանում առաջին անգամ անցկացվեց Customer Experience-ին նվիրված խոշոր կոնֆերանս:
Հայաստանում առաջին անգամ անցկացվեց Customer Experience-ին նվիրված խոշոր կոնֆերանս:
Երևանում անցկացվեց Հայաստանում առաջին խոշոր Customer Experience կոնֆերանսը, որը կազմակերպել էր «Հաճախորդների Փորձառության Հայաստանի Ասոցիացիան»։ Միջոցառումը միավորեց ավելի քան 80 մասնագետների և ղեկավարների Հայաստանից, Մեծ Բրիտանիայից, ԱՄՆ-ից ու Ռումինիայից՝ քննարկելու Customer Experience-ի դերը որպես ժամանակակից բիզնեսի ռազմավարական հիմք։ Կոնֆերանսը ներառում էր միջազգային խոսնակների ելույթներ, խորքային պանելային քննարկումներ, նեթվորքինգ և CX մշակույթի զարգացմանը նվիրված խորհրդանշական նախաձեռնություններ։ 
Կարդալ հոդվածը
Շուշանիկ Ղալթախչյանի CX MASTERCLASS-ը համախմբեց հաճախորդի փորձառության ոլորտի 37 մասնագետներին
Շուշանիկ Ղալթախչյանի CX MASTERCLASS-ը համախմբեց հաճախորդի փորձառության ոլորտի 37 մասնագետներին
Հունիսի 18-19-ին Երևանում Customer Experience Association Armenia (CXAA)-ի նախաձեռնությամբ կայացավ «CX MASTERCLASS»-ը՝ CX փորձագետ և հավաստագրված հոգեբան Շուշանիկ Ղալթախչյանի գլխավորությամբ։ Միջոցառումը SOLD OUT էր և միավորել էր 14 կազմակերպությունների 37 մասնակիցների 9 տարբեր ոլորտներից՝ արտադրական, բանկային, հեռահաղորդակցության, կլինիկական և խորհրդատվական ծառայությունների և այլն։ 
Կարդալ հոդվածը